أحلام الطائر الغريب

 

لكل العمال في أصقاع الارض، لكل من هجر وطنه وأهله وعيالة في طلب الرزق، اهدي لهم هذه الكلمات في يومهم العالمي

****

حامل العدة بثقل عيله گبيرة

يا غريب بغير ديره

وحدك بوسط المفازة

لا قريب ولا عشيرة

اشگد كلافة الجية من دولة فقيرة

في الظهر مجبور تاكل

آه يا حر الظهيره

تكسر الخبزة حنين

تقول للبنت الصغيرة

ثاني كسرة فيها دمعة

تقول للأم الگبيرة

بعد كسرة فيها لوعة

تقول للعيون الغزالة

ودمعة الشوق الغزيرة

اشلون حيره

اشگد كلافة يحدد الواحد مصيره

في بلدك تموت جايع

في السفر ميت ولكن

غيمة للعيلة مطيره

**

اشگد جميل

من عطاك يبرع اغصال الجهال

اشگد جميل تشوف دمعك

في ثغر طفلك زلال

اشگد جميل تاكل أمك

من تعب جفك حلال

اشگد جميل

***

ادري دمك يسقي غربه

ادري جفك تبنيّ اقصرور الوسيعة

وانت واحد بين عشرة

بوسط غرفه

ادري عنك تمسح بجلدك غصب كاسات غيرك

وانت مايك من وسط جفك تشربه

كل صبح عندك بكربه

وهالدهر مايجوز عنك

لازمك كل يوم ضربه

بعد ضربه

والحنين آه الحنين

غارس ابأحشاك حربه

ادري إن اللقمة صعبة

ادري إن اللقمة صعبة

***

وش كثر تحلم

اشوفك سارح بعينك تلوح الغيمة مرت

.

«يمكن بديرة هلي يا ناس مطرت

سمعت اوراق الشجر

بالشوق غنت

يمكن انتبهت لأمي في الصبح دمعتها خرت

يمكن ابتسمة لبنتي

ومن بعد بسمتها فرت

فرقة الأحباب صعبت

والله صعبت

قلت اسايل هالطوارش

شنهو سمعت

من سوالف صحبتي البليل سهرت

قلت اسايلها اذكروني

لو من الغيبة الطويلة الصحب ملت

ادري ملت

عمري قضيته غريب

وش كثر أحلم تقول

ما عمر عيني ما الاحلام فترت»

وش كثر تحلم بعد

«هذا كافي

شقشقة اف قلبي الحزين

جلجلت ثم اسقرت»